(PASAL) NETELAKEUN FARDUNA WUDLU

™ Ari ta’rif wudlu ceuk istilah nyaeta :

اِسْتِعْمِالُ الْمَاءِ فِىاَعْضَاءٍ مَخْصُوْصَةٍ مُفْتَتَحًا بِنِيَّةٍ

Hartosna : makekeun cai kana anggota anu ditangtukeun kalawan make niat

™ Aya deui anu disebut wadhu, eta mah ngaran cai anu dipake wudlu

™ Ari fardhuna wudlu eta aya 6 :

1. Niat
2. Ngumbah raray
3. Ngumbah dua panangan, nepika siku dua
4. Ngusap sawarehna sirah
5. Ngumbah dua sampean, sarta mumuncanganana
6. Tartib

PENJELASAN :

Ø  Ari anu disebut niat nyaeta : قَصْدُ شَيْئٍ مُقْتَرَنًابِفِعْلِهِ hartosna : ngamaksud hiji perkara bari dibarengan ku migawena eta perkara, atuh lamun hate ngamaksud kana hiji, tapi hentu dibarengan kumigawena, eta mah disebut ngazam.

Ø  Dina niat wudlu, wajib kudu dibarengan jeung tepina cai kana raray, henteu sah dina saba’da ngumbah raray atawa dina samemehna.

Ø  Ari tatacara niat dina wudlu bisa kusababaraha jalan :

-    Ku make : رَفْعَ الْحَدَثِ الاَصْغَرِ

-    Ku make : فَرْضَ الْوُضُوْعِ

-    Ku make : نَوَيْتُ الْوُضُوْعَ

-    Ku make : اِسْتِبَاحَةِ مُفْتَقِرًا اِلَىالْوُضُوْعِ

CATETAN : upama dina wudlu make niatna ku kecap thoharoh, maka eta kudu dipilukeun ku kecap عَنِ الْحَدَثِ upama henteu make, maka henteu sah

™ Ari pasunatan wudlu eta aya 10 :

1. Maca Basmallah
2. Ngumbah dua dampal tampah leungeun
3. Kekemur
4. Ngaratakeun dina ngusap sirah
5. ngusap dua cepil, luarna jeung jerona
6. Nyela-nyela jenggot anu kandel
7. Nyela-nyela dua ramo leungeun jeung suku